Ermənistan silahlı qüvvələrinin 1993-cü ilin 18 aprelində Kəlbəcər rayonunun Başlıbel kəndində mülki əhaliyə qarşı həyata keçirdiyi qətliam zamanı şəhid olan Yaqub Səmədovun övladları Zəfər Səmədov, Nəcibə Səmədova və Aygün Səmədova qətliamın 31-ci ildönümündə atalarının məzarını və Başlıbeldə ermənilərin yandırıb dağıtdığı ata evini ziyarət ediblər. Subyekt.az xəbər verir ki, şəhidlərin ruhuna dua oxuyub atalı günlərinin keçdiyi bu evdəki xatirələri yada salıblar. Olduqca duyğulu anlar yaşanıb. Qeyd edək ki, erməni silahlılar kəndin ərazisindəki kahalarda gizlənən əhaliyə hücum edərkən ələ keçirdikləri Yaqub Səmədovdan kahalara daxil olub içəridə olanları çıxarmasını tələb ediblər. Hadisə günün qaranlıq çağında olub, Yaqub Səmədov kahaya daxil olub içəridə sağ qalan sakinlərə deyib ki, səssiz qalın çıxıb hamınızın güllə borandan öldüyünüzü deyəcəm. Yaqub kişi belə də edib. Erməni hərbçilərə kahada sağ adam qalmadığını bildirib. Ermənilər onun öz həmkəndlilərini satmamaq ünün yalan dediyindən şübhələnib içəriyə tüstü bombası atıblar və boğularaq öskürən adamların olduğunu biliblər və özləri kahaya daxil olublar. Kahadan əsir götürdükləri dinc sakinləri çıxaran erməni əsgərlər “bizi aldatdın” deyib sakinlərin gözləri önündə Yaqub Səmədovu güllələyiblər. Yaqub Səmədovun məzarı qətliam həyata keçirilən ərazidəki kütləvi məzarlıqdadlr.
Subyekt.az
