KƏLBƏCƏR, 11 sentyabr — İşğaldan azad edilmiş ərazilərdə Böyük Qayıdış Proqramı çərçivəsində həyata keçirilən genişmiqyaslı bərpa, yenidənqurma və quruculuq tədbirləri davam etdirilir.
Kəlbəcər rayonunda aparılan kompleks infrastruktur layihələri çərçivəsində yaşayış məntəqələrinin müasir yol-nəqliyyat infrastrukturu ilə təmin olunması, ərazilərin təhlükəsiz və dayanıqlı şəkildə məskunlaşdırılması istiqamətində ardıcıl tədbirlər həyata keçirilir.
Subyekt.az xəbər verir ki, bu günlərdə Kəlbəcər rayonunun Zar kəndinə gedən avtomobil yolunun işıqlandırılması ilə bağlı görüntülər sosial şəbəkələrdə paylaşılıb. Görüntüləri Etibar Əhmədov öz sosial media hesabında yayımlayıb.
Avtomobil yolunun işıqlandırılması ərazidə nəqliyyatın hərəkətinin təhlükəsizliyinin və rahatlığının təmin edilməsi baxımından mühüm əhəmiyyət daşıyır. Həyata keçirilən bu kimi layihələr işğaldan azad edilmiş ərazilərdə yaradılan müasir infrastrukturun kompleks xarakter daşıdığını göstərir.
Böyük Qayıdış Proqramı çərçivəsində Kəlbəcər rayonunda sosial, iqtisadi və mühəndis-kommunikasiya infrastrukturlarının yenidən qurulması, yaşayış məntəqələrinin müasir şəhərsalma prinsipləri əsasında inkişaf etdirilməsi və əhalinin doğma yurdlarına qayıdışının təmin olunması istiqamətində genişmiqyaslı layihələr reallaşdırılır.
Kəlbəcərdə aparılan bərpa və quruculuq işləri Azərbaycanın işğaldan azad edilmiş ərazilərin dirçəldilməsi və davamlı inkişafının təmin edilməsi istiqamətində həyata keçirdiyi dövlət siyasətinin mühüm tərkib hissəsini təşkil edir.
Hazırda rayonda müxtəlif istiqamətlər üzrə infrastruktur layihələrinin icrası davam etdirilir. Bu layihələr Kəlbəcərin sosial-iqtisadi potensialının bərpasına, yaşayış üçün əlverişli mühitin formalaşdırılmasına və ərazinin gələcək inkişafına mühüm töhfə verir.
#Kəlbəcər
#Zarkəndi
#BöyükQayıdış
Subyekt.az
