Ağdabanın qara günü…

Ağdaban soyqırımı aktından 32 il keçir… Xocalı Soyqırımının ardınca – 1992-ci il aprelin 7-dən 8-nə keçən gecə Kəlbəcərin Ağdaban kəndində kütləvi qırğın – soyqırımı aktı törədilib:

130-dan çox ev yandırılıb,

779 dinc sakinə divan tutulub.

Faciə zamanı

32 nəfər amansızcasına qətlə yetirilib,

8 qoca,

2 azyaşlı uşaq,

7 qadın diri-diri yandırılıb.

2 nəfər itkin düşüb,

5 nəfər isə girov götürülüb.

Faciə zamanı Azərbaycan aşıq sənətinin görkəmli nümayəndələri – Aşıq Şəmşirin (Dədə Şəmşirin) və onun atası Ağdabanlı şair Qurbanın əlyazmaları (külliyyatı) məhv edilib,

Aşıq Şəmşirin nəvəsi diri-diri tonqala atılıb, yandırılıb.

Nə yazıqlar,

1918-ci ilin martın sonu – aprelin əvvəllərində

(Urmiyə, Səlmas, Xoy (Güney Azərbaycan);

Bakı şəhəri və eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və b. bölgələrimizdə)

olduğu kimi,

1992-ci ildə də ayrı-ayrı bölgələrimizdə soyqırımlar, kütləvi qırğınlar törədildib… –

10–12 fevral 1992: Malıbəyli, Aşağı Quşçular, Yuxarı Quşçular kəndləri (Şuşa);

17 fevral 1992 Qaradağlı (Xocavənd);

26 fevral 1992 (Xocalı);

8 aprel 1992 (Ağdaban);

28 avqust 1992 Ballıqaya (Goranboy);

Habelə, 2 aprel- avqust 1993 Başlıbel (Kəlbəcər)…

bundan üç il öncə – 24 mart 1990-cı ildə isə

Bağanis-Ayrım (Qazax)… – Bu tarixlərdə həmin yaşayış məntəqələrində insanlıq dramı, vandallıq yaşanıb!.. – Əgər XX yüzilliyin əvvəllərində soyqırımı aktlarını erməni silahlı quldur dəstələri, “Daşnaksütun” və digər terrorçu siyasi-hərbi qruplar törədirdisə, yüzilliyin sonunda insanlıqdışı vəhşilikləri Ermənistan dövləti və havadarları törədirdi…

Bu kədərli hadisələri anarkən onu da vurğulamalıyıq ki, Il Qarabağ müharibəsindəki şanlı Zəfərimiz bütün dönəmlərdəki şəhidlərimizin ruhunu şad edən böyük qürur abidəmizdir!

İnsanlıq düşmənlərindən fərqli olaraq, biz məhz hərb meydanında vuruşmuş, intiqamımızı da ləyaqətlə almışıq! – Biz körpələri, hamilə qadınları, qocaları… və mülki obyektləri deyil, məhz legitim hərbi hədəfləri nişan almışıq, əcdadımızın hərb gələnəyinə uyğun davranmışıq. – Buna müharibədə qızıl ləyaqət düsturu deyirlər. – Düşmən o düsturu ömrü boyu idrak etməmişdir…