Ümumdünya Kitab və Müəllif Hüquqları Günü hər il 23 aprel tarixində qeyd olunur. Bu gün 1995-ci ildə UNESCO tərəfindən təsis edilib və əsas məqsədi kitab oxumağın əhəmiyyətini vurğulamaq, müəlliflərin hüquqlarını qorumaq və ədəbiyyata marağı artırmaqdır.
Azərbaycanda bu əlamətdar tarix 1997-ci ildən başlayaraq hər il qeyd edilir. 
Bu tarix təsadüfi seçilməyib. 23 aprel dünya ədəbiyyatının görkəmli nümayəndələri olan Uilyam Şekspir, Migel de Servantes və İnka Qarsilaso de la Veqa kimi yazıçıların vəfat etdiyi gün kimi tarixə düşüb.
Buna görə də bu gün ədəbiyyatın simvolik bayramı sayılır.
Bu günün əsas məqsədləri bunlardır:
İnsanları daha çox kitab oxumağa təşviq etmək
Yazıçı və şairlərin əməyinə hörmət göstərmək
Müəllif hüquqlarının qorunmasının vacibliyini xatırlatmaq
Gənc nəsildə mütaliə vərdişi formalaşdırmaq
Dünyanın bir çox ölkələrində bu gün münasibətilə müxtəlif tədbirlər keçirilir: kitab sərgiləri, müəlliflərlə görüşlər, oxu kampaniyaları və ədəbi müsabiqələr təşkil olunur.
Müəllif hüquqları isə yazıçıların, şairlərin və digər yaradıcı insanların öz əsərləri üzərində hüquqlarını qoruyan qanunlardır. Bu hüquqlar müəllifin razılığı olmadan əsərin kopyalanmasının, yayılmasının və ya dəyişdirilməsinin qarşısını alır.
Ümumdünya Kitab və Müəllif Hüquqları Günü bizə xatırladır ki, kitablar bilik və mədəniyyətin ən qiymətli mənbələrindən biridir və onları yaradan insanların hüquqlarına hörmətlə yanaşmaq hər kəsin borcudur.
“Oxuyun… Özünüzü heç vaxt tənha hiss etməyəcəksiniz
Aprel ayı və bütün il boyu təkbaşına və ya uşaqlarınızla birlikdə oxumağa vaxt ayırmaq vacibdir.Kitab oxumağın vacibliyini qeyd etmək, uşaqların oxucu kimi böyüməsinə şərait yaratmaq və ömür boyu ədəbiyyata sevgi və iş dünyasına inteqrasiyanı təşviq etmək vaxtıdır.
Oxumaqla və 23 Aprel Ümumdünya Kitab və Müəlliflik Hüququ Gününü qeyd etməklə, məsafəyə baxmadan başqalarına açıq ola bilərik və təxəyyül sayəsində səyahətə çıxa bilərik.
Ümumdünya Kitab və Müəlliflik Hüququ Gününə hazırlaşarkən, UNESCO özünüzə çağırış etməyi, yeni mövzular, formatlar və ya qeyri-adi janrları araşdırmağı təşviq edir.
Kitabın üzlüyü inanılmaz dərəcədə vacibdir və bizim kitab almaq qərarımızda mühüm rol oynayır. Biz hamımız kitabın üz qabığına son dərəcə tənqidi yanaşırıq.
Kitab haqda deyilmiş ən yaxşı aforizmlər
- Kitab toplamaq yaxşı işdir, onları oxumaq isə daha faydalıdır. Françesko Petrarka
- Kitaba malik olmamaq, əqli yoxsulluğun ən yüksək dərəcəsidir.Reskin
- Kitabxana insan ruhunun bütün zənginliklərinin xəzinəsidir. V. Leybtnis
- Kitablar bizi ötən əsrlərin mənəvi varisi edir.Vəzirov
- Kitablar da dost kimidir, az fəqət yaxşı seçilmiş olmalıdır. J.Harris
- Kitablar, heç solmayacaq bitkilərdir. Herrick
- Kitablar həyatım, təcrübələrim isə müəllimimdir. Avqustin
- Kitablar, itmiş başların abidələridir. Sir Villiam Davenant
- Kitablar sivilizasiyanın nümunəsidir. Kitabsız ədəbiyyat, tarix itər. Həyati incəliklər olan lirika, psixoloji və elmi biliklər mənasız olar. Henri Devid Toro
- Kitabları yandırmaqdan daha pis şey onları oxumamaqdır. Rey Bredberi
- Kitabsız bir ömrün nə mənası var. Səməd Vurğun
- Kitabsız qalmaq çörəksiz qalmaqdan çətindir. Kubarev
- Kitabsız yaşamaq; kor, kar, dilsiz yaşamaqdır. Seneka
- Qədim kitabların füsunkar təbiəti şərabı andırır. S.Qrin
- Qəpiklər manat əmələ gətirdiyi kimi, oxumaq da bilik əmələ gətirir. L.Dal
- Mütaliə insanları bilikli, söhbətcil və hazırcavab edir. Frensis Bekon
- Kitab heç aldatmayan bir yoldaşdır. Guilbert De Pixrecourt
- Kitab hələ də müqəddəsdir mənim üçün. Söz hələ də mühüm və hərf hələ də müəmmadır. Əlif Şəfəq
- Kitab həyatın ən uzaq və qaranlıq yollarında insana işıq bəxş edən əfsanəvi çıraqdır. M.Upit
- Kitab insanı kainatın sahibi edir. A.Pavlenko
- Kitab mənim üçün, tacdan qiymətlidir.
- Kitablarım mənə çatacaq qədər böyük bir krallıqdır. Şekspir
- Kitab ol, hamıya açılma; qoy səni ancaq anlayanlar oxusun! Əbu Turxan
- Kitab olmayan ev ruhdan ayrılan bədənə bənzər.
- Kitabsız ev ürəksiz bədəndir. Siseron
- Kitab ruhu qidalandırır, insanı ucaldır və möhkəmləndirir. M.Tekkerey
- Kitab ruhun dərmanıdır. Yapon atalar sözü
- Kitab sənin ilk dostundur. Ə.Sabir
- Kitab təfəkkürün övladıdır. Svift
- Kitab təfəkkürün yorulmayan qanadlarıdır. Aybek
- Kitab, tək ölümsüzlükdür. Rufus Choate
- Kitablar olmasaydı, mən səfalət və alçaqlıq içində qərq olardım. Maksim Qorki
- Kitab bir limandı mənim üçün. Kitablarda yaşadım və kitablardakı insanları küçələrdəkindən daha çox sevdim. Cemil Meriç
- Kitab bir nəslin o biri nəslə qoyub getdiyi mənəvi vəsiyyətdir.
- Kitab nəsillərin bir-birinə vəsiyyətidir.
- Kitab vasitəsilə biz həqiqətlər və rəzalətlər mülkünə daxil oluruq. İ.Gertsen
- Kitab elmlərin nəticəsi olmalıdır, elmlər kitabın yox.
- Kitab insan üçün mənəvi qidadır.
- Kitab zamanın dalğaları üzərində səyahət edən və öz qiymətli yükünü ehtiyatla nəsillərdən nəsillərə yetirən fikir gəmisidir.
Firəngiz Sabirqızı
Subyekt.az
