Screenshot
Ukraynanın müdafiəsi uğrunda döyüşən iki azərbaycanlı əsilli hərbçi ölkənin dövlət mükafatları ilə təltif olunub.
Ukrayna Müdafiə Qüvvələrinin sıralarında xidmət edən azərbaycanlılar da ölkənin suverenliyi, ərazi bütövlüyü və müstəqilliyinin müdafiəsində iştirak edirlər. Dövlət təltiflərinə layiq görülən hərbçilərin xidmətləri onların göstərdiyi şücaət və fədakarlığın yüksək qiymətləndirilməsi kimi dəyərləndirilir.
Hazırda Ukrayna Silahlı Qüvvələri və digər müdafiə strukturlarında çoxsaylı azərbaycanlı xidmət edir. Onlar digər Ukrayna vətəndaşları ilə çiyin-çiyinə ölkənin müdafiəsində iştirak edir, hərbi vəzifələrini layiqincə yerinə yetirirlər.
Ukraynanın müdafiəsi uğrunda gedən döyüşlərdə azərbaycanlı icmasının nümayəndələri arasında həlak olan hərbçilər də var. Onların xatirəsi ehtiramla yad edilir, göstərdikləri fədakarlıq yüksək qiymətləndirilir.
Azərbaycan icmasının nümayəndələri dövlət təltiflərinə layiq görülən hərbçiləri təbrik edərək bildiriblər ki, vətənə sədaqət insanın yalnız mənşəyi ilə deyil, onun əməlləri, məsuliyyəti və dövlət qarşısında mövqeyi ilə müəyyən olunur.
Ukrayna ordusuna və müdafiə qüvvələrinə uzun müddətdir dəstək göstərən Oktay Əfəndiyevin fəaliyyəti də xüsusi qeyd olunub. Bildirilib ki, onun Azərbaycan icması adından Ukrayna hərbçilərinə göstərdiyi davamlı yardım və ictimai dəstək həmrəylik və vətəndaş məsuliyyətinin nümunəsidir.
Azərbaycan-Ukrayna dostluq münasibətlərinin möhkəmləndirilməsində bu cür təşəbbüslərin mühüm rol oynadığı vurğulanıb. Ukraynanın müdafiəsi uğrunda xidmət edən hərbçilərə ehtiram ifadə olunub, həlak olanların xatirəsi yad edilib.
Subyekt.az
