Vətən müharibəsi şəhidi, Ağır Artilleriya Briqadasının qərargah rəisi, polkovnik-leytenent Zaur Cəfərovun 13 yaşlı qızı Səlbi Cəfərli müalicə olunduğu “Yeni Klinika”dan evə buraxılıb. Qeyd edək ki, Səlbi Cəfərli təxminən bir ay öncə kəskin böyrək çatışmamazlığı və ağır pnevmaniya diaqnozu ilə “Yeni Klinika”ya yerləşdirilmişdi. Səlbinin anası Gülbəniz Cəfərova Subyekt.az-a bildirib ki, “Yeni Klinika”ya gətirilərəkən övladı ölüm təhlükəsi ilə üz-üzə olub. Səlbi Klinikanın Reanimasiya şöbəsində həyata qaytarılıb: “Övladımı itirmək üzrə idim. Səlbi huşunu itirmişdi, süni nəfəs aparatına qoşdular və bütün “Yeni Klinikanın rəhbərliyi, başda Reanimasiya Şöbəsinin baş həkimi Müşfiq Ramazanov olmaqla bütün həkimlər, tibb bacıları Səlbinin yaşaması üçün çarpışdılar. Bizə qayğıları isə öz yerində. Çox gərgin zəhmətlərinin, müalicələrinin nəticəsində qızım Səlbi Cəfərli ölümdən döndü və artıq müalicələrinin evdə davam etdirilməsinin mümkünlüyü qərarına gəlindiyi üçün evə buraxıldı. Mən buradan “Yeni Klinika” rəhbərliyinə, Müşfiq Ramazanova, Reanimasiya şöbəsinin bütün həkimlərinə, bütün tibbi heyətə, əziyyətimizi çəkən bütün işçilərinə, “Zəfər” Şəhid Ailələrinə Dəstək İctimai Birliyinin rəhbəri Sevinc xanım Orucovaya, “Yeni Klinika”nın ictimaiyyətlə əlaqələr şöbəsinin müdiri Nuridə xanım Allahyarovaya dərin təşəkkürümü bildirirəm. Bir şəhid övladına, şəhid ailəsinə necə qayğı ilə yanaşılmalı olduğunu mən bu müddətdə öz həyatımızda şəhidlik etdim”.
Onu da qeyd edək ki, Səlbi Cəfərlinin klinikadan evə buraxılması doğum gününə təsadüf edib.
Subyekt.az
