07 sentyabr 2026-cı il tarixində ADA MMC nəzdində fəaliyyət göstərən MasterMind Akademiyanın təşkilatçılığı ilə Zoom platforması üzərindən “Narkomaniyaya yox deyək” mövzusunda maarifləndirici onlayn təlim keçirilib.
Təlim zamanı iştirakçılara narkomaniyanın mahiyyəti, insan sağlamlığına və psixoloji vəziyyətə mənfi təsirləri, narkotik vasitələrdən istifadənin yarada biləcəyi sosial və hüquqi fəsadlar barədə ətraflı məlumat verilib. Çıxış zamanı xüsusilə gənclər arasında narkomaniyanın qarşısının alınması, sağlam həyat tərzinin təşviq edilməsi və narkotik vasitələrdən uzaq durmağın vacibliyi vurğulanıb.
Təlimdə narkomaniyanın yalnız fərdin deyil, eyni zamanda ailənin və cəmiyyətin təhlükəsizliyinə və rifahına mənfi təsir göstərən ciddi sosial problem olduğu qeyd edilib. İştirakçılara narkotik vasitələrin insanın fiziki və psixoloji sağlamlığına, təhsil və əmək fəaliyyətinə, sosial münasibətlərinə və gələcək həyatına göstərə biləcəyi mənfi təsirlər izah olunub. Həmçinin narkomaniyanın yaranmasına səbəb ola biləcək risk faktorları, zərərli vərdişlərdən qorunma yolları və sağlam seçimlərin əhəmiyyəti haqqında maarifləndirici məlumatlar təqdim edilib.
Təlim çərçivəsində gənclərin asudə vaxtlarının səmərəli təşkili, idman və digər faydalı fəaliyyətlərə cəlb olunması, düzgün sosial mühitin formalaşdırılması və maarifləndirmə tədbirlərinin genişləndirilməsinin narkomaniyanın profilaktikasında mühüm rol oynadığı bildirilib. Eyni zamanda iştirakçıların zərərli vərdişlərə qarşı düzgün mövqe nümayiş etdirməsinin və ətrafdakı şəxsləri də sağlam həyat tərzinə təşviq etməsinin əhəmiyyəti diqqətə çatdırılıb.
Görüş zamanı narkomaniyanın qarşısının alınmasında ailə, təhsil müəssisələri, ictimai təşkilatlar və gənclərin birgə fəaliyyətinin əhəmiyyəti xüsusi qeyd olunub. İştirakçılar mövzu ilə bağlı fikirlərini bölüşüb, onları maraqlandıran suallara cavablar alıblar.
Maarifləndirici xarakter daşıyan təlim gənclər arasında narkomaniyanın fəsadları barədə məlumatlılığın artırılması, sağlam həyat tərzinin təşviqi və narkotik vasitələrə qarşı düzgün münasibətin formalaşdırılması baxımından əhəmiyyətli olub.
Təlimin sonunda iştirakçılara göstərdikləri fəallığa görə təşəkkür bildirilib və bu istiqamətdə maarifləndirici tədbirlərin davam etdirilməsinin vacibliyi vurğulanıb.
Subyekt.az
