Yaponiyada 5,5 bal gücündə zəlzələ baş verib.
Subyekt.az Ajans.az -a istinadla xəbər verir ki,bu barədə Avropa–Aralıq dənizi Seysmoloji Mərkəzinin (EMSC) məlumatında deyilir.
Məlumata görə, yeraltı təkanlar çərşənbə axşamı, 30 dekabr tarixində yerli vaxtla saat 17:12-də (Moskva vaxtı ilə 11:12) Ryukyu adaları yaxınlığında qeydə alınıb. Zəlzələnin episentri təxminən 6 900 nəfərin yaşadığı Vadomari kəndindən 20 kilometr şimal-şərqdə yerləşib.
Yeraltı təkanların ocağı 10 kilometr dərinlikdə olub. Dağıntılar və xəsarət alanlar barədə hələlik məlumat verilməyib. Rəsmi qurumlar vəziyyəti izləyir.
Subyekt.az
