Rusiya və Çin Beynəlxalq Elmi Ay Stansiyasının yaradılması işinə BRİKS də daxil olmaqla 13 ölkə qoşulub. Bu barədə “Roskosmos”un baş direktoru Dmitri Bakanov məlumat verib.
“Beynəlxalq Elmi Ay Stansiyasının yaradılması üzrə Çinlə birgə təşəbbüsümüz fəal şəkildə inkişaf edir”, – Bakanov BRİKS ölkələrinin kosmik agentlikləri rəhbərlərinin görüşündə deyib.
Onun sözlərinə görə, artıq 13 ölkə, o cümlədən Azərbaycan, Belarus, Boliviya, Venesuela, Cibuti, Misir, Nikaraqua, Pakistan, Seneqal, Serbiya, Tailand və Cənubi Afrika Respublikası, həmçinin BRİKS-in üzvü olan Efiopiya bu təşəbbüsə qoşulub.
Bakanov qeyd edib ki, Rusiyada Veneranın, Ayın və Marsın öyrənilməsi sahəsində unikal elmi məktəblər var. O, həmçinin vurğulayıb ki, dünyada heç kim Rusiyanın Veneraya eniş texnologiyasını təkrarlamayıb.
Bakanov, həmçinin bu cür proqramların sayının artacağına, onların birgə həyata keçirilməsinin respublika büdcələri üçün daha optimal və elmi baxımdan daha səmərəli olacağına ümid etdiyini bildirib.
Daha əvvəl bildirilmişdi ki, Çin Ayda Beynəlxalq Ay Araşdırma Stansiyasını elektrik enerjisi ilə təmin edəcək Rusiya ilə birgə AES tikmək imkanını nəzərdən keçirir.
