Sergey Şefir Ukrayna Prezidenti Volodimir Zelenskinin birinci köməkçisi vəzifəsindən azad edilib.
Subyekt.az “Qafqazinfo” -ya istinadən xəbər verir ki, fərman Ukrayna liderinin rəsmi saytında dərc olunub.
“Şefir Sergey Naxmanoviç Ukrayna prezidentinin birinci köməkçisi vəzifəsindən azad edilsin”, – sənəddə deyilir.
Qeyd edək ki, o, 2019-cu ilin mayından Ukrayna prezidentinin köməkçisi vəzifəsində işləyib. Siyasətə gəlməzdən əvvəl Zelenski ilə televiziya layihələrində çalışıb. Şefir “95-ci Kvartal” KVN komandasına əsaslanan “Kvartal-95” studiyasının həmtəsisçisidir.
Subyekt.az
