ABŞ-ın prezidenti Donald J. Tramp dünya gündəminə dair mühüm bəyanatla çıxış edib. O, Yaxın Şərqdə yaranmış gərginliyin azaldılması və sabitliyin təmin olunması istiqamətində nikbin mesajlar verib.
İran artıq mövcud vəziyyətdən yorulub və sülh prosesində maraqlıdır. Trampın sözlərinə görə, yalnız İran deyil, regionun digər tərəfləri də gərginlikdən bezərək sabitliyə üstünlük verməyə başlayıb.
ABŞ-ın bu prosesdə aktiv rol oynayacağı vurğulanır. Xüsusilə Hörmüz boğazı ətrafında yaranmış vəziyyətin tənzimlənməsi üçün konkret addımların atılacağı qeyd olunur. Bu addımların həm təhlükəsizlik, həm də iqtisadi baxımdan müsbət nəticələr verəcəyi gözlənilir.
Tramp əlavə edib ki, bölgədə genişmiqyaslı iqtisadi imkanlar yaranacaq və İran yenidənqurma prosesinə başlamaq şansı əldə edəcək. ABŞ-ın müxtəlif təchizatlarla bölgədə iştirak edəcəyi və proseslərin düzgün istiqamətdə inkişafına nəzarət edəcəyi bildirilib.
Bəyanatın sonunda Tramp hazırda ABŞ-da müşahidə olunan inkişafı nümunə göstərərək qeyd edib ki, bu dinamika Yaxın Şərq üçün də “Qızıl Dövr”ün başlanğıcı ola bilər.
Subyekt.az
