Bu gün Azərbaycanın tanınmış ictimai-siyasi xadimi, jurnalist və millət vəkili Qənirə Paşayevanın doğum günüdür. Ömrünü xalqına və dövlətinə xidmətə həsr etmiş Qənirə Paşayeva bu gün də hörmətlə anılır, əziz xatirəsi ehtiramla yad edilir.
Jurnalistika sahəsində fəaliyyətə başlayan Qənirə Paşayeva sonralar Azərbaycanın ictimai-siyasi həyatında mühüm rol oynayan simalardan birinə çevrildi. O, daim milli maraqların müdafiəsi, Azərbaycan həqiqətlərinin beynəlxalq aləmdə tanıdılması və gənclərin vətənpərvərlik ruhunda yetişməsi istiqamətində yorulmadan çalışırdı.
Millət vəkili kimi fəaliyyəti dövründə Qənirə Paşayeva seçiciləri ilə sıx təmasda olur, onların problemlərinin həlli üçün fəal təşəbbüslər irəli sürürdü. Onun çıxışları, layihələri və ictimai təşəbbüsləri cəmiyyət tərəfindən böyük rəğbətlə qarşılanırdı.
Qənirə Paşayeva yalnız siyasətçi kimi deyil, həm də publisist, televiziya aparıcısı və müxtəlif sosial layihələrin təşəbbüskarı kimi də tanınırdı. Yazıları və çıxışları ilə milli-mənəvi dəyərlərin qorunması, vətən sevgisinin təbliği istiqamətində mühüm töhfələr vermişdi.
Bu gün — doğum günündə onun xatirəsi sevgi və ehtiramla yad edilir. Çünki xalqına sədaqətlə xidmət edən, millətinin dərdini öz dərdi bilən insanlar zaman keçsə də unudulmur.
Böyük Azərbaycan şairi Səməd Vurğunun sözləri bu gün də belə şəxsiyyətlər üçün səslənir:
“Sevərək yaşayanlar, sevilərək ölənlər,
Şirin bir xatirətək qalacaqdır dünyada.”
Qənirə Paşayeva da məhz belə insanlardan idi — sevərək yaşayan və xalqın qəlbində sevilərək yaşayan şəxsiyyətlərdən biri.
Ruhu şad olsun, xatirəsi daim yaşayacaq.
Rövşən Hüseynli
Subyekt.az
